ӨЗ МАМАНДЫҚТАРЫНА АДАЛ

Мақсаты мен міндеті бір, «ел байлығы - ұлт саулығы» деп жүректері соғатын ақ халаттылардың қоғамнан алатын орны зор.Үнемі ізденіс жолындағы олар білімдерін жетілдіріп, білік тіліктерін арттыра отырып, халық ықыласына бөленуде. «Аманөткел» дәрігерлік амбулаториясында 1 дә рігер, 14 орта буын қызметкері және 3 жоғары санатты аяжан халыққа медициналық қызметтерін көрсетіп келеді. Тұрғындар арасында аналар мен балалар өлімін азайтуға, обыр ауруларының алдын алу, туберкулез, ішек аурулары, жүрек-қан тамыр аурула рының көрсеткіштерінің төмендетуге жұмыс жасай отырып, жыл сайын халық арасындағы нысаналық топтағы адамдар мен мектеп және мектепке дейінгі балаларды скринингтік тексеруден өткізіп отырамыз. Сонымен қатар, аурудың алдын алу, емдеу шаралары, оның ішінде оңалту, диспансерлік бақылау, медициналық және әлеуметтік қызметтер үздіксіз көрсетіліп отырады. Туу жасындағы әйелдерге жыл сайын емдеу, сауықтыру шаралары жүргізіліп, соның нәтижесінде, 52 бала дүниеге келіп, туу көрсеткіші артты.

Сондай-ақ, қазіргі уақытта 2016-2019 жылдарға арналған Қазақстан Республикасының Денсаулық сақтау саласын дамытуға арналған бағдарламасы бойынша «Смарт медицина», электронды медициналық қызметті күшейтуде, тұрғындарды е-gov порталы арқылы дәрігердің қабылдауына жазылу, дәрігерді үйге шақыру секілді қызметтері қол жетімді болды.

Тәуелсіздігіміздің 25 жылдығына орай жаңа амбулаторияның іргетасы қаланған болатын. Жуық арада пайдалануға берілетін бұл нысан біздерге, яғни, медицина қызметкерлеріне мемлекетіміздің жасаған үлкен сыйы деп білеміз. Алдағы уақытта да тұрғындар денсаулығы жолында тынбай еңбек ете беретін боламыз.