АНТЫМЫЗҒА – АДАЛМЫЗ » Арал аудандық көп бейінді орталық ауруханасы

АНТЫМЫЗҒА – АДАЛМЫЗ

Дана халқымыз «Бірінші байлық - денсаулық» деп бекер айтпаса керек. Халық денсаулығын қорғауда ауылдық медицина қызметкерлері де «Бөген» дәрігерлік амбулаториясына қарасты 1653 тұрғынға сапалы дәрігерлік қызмет көрсетуде. «Бөген» дәрігерлік амбулаториясының құрамына 600-ден астам халқы бар «Қара шалаң» және 300-дей халқы бар «Көктем» медпункттері кіреді. Жалпы қызметкерлер саны-34, оның ішінде, медициналық қызметкерлер -17, аға дәрігердің міндетін атқарушы -1, дәрігер - 1, фельдшер - 4, әлеуметтік қызметкерлер - 2. «Бөген» ауылы 6 шағын учаскелерге бөлінген, онда 6 үй аралау медбикелері қызмет жасайды. «Бөген» дәрігерлік амбулаториясында 22 төсектік күндізгі стационар халық денсаулығын нығайтуға көмектесіп келеді. Ауылдағы дәрігерлік амбулаторияда ана мен бала, әйелдерді қарау, алдын ала егу, қабылдау мен ауызбен суландыру, ЭКГ кабинеті және зертхана (лаборатория) бөлмелері бар. Олар жақсы жұмыс жасауға әсте қолайлы. «Бөген» дәрігерлік амбулаториясы бойынша әр түрлі аурулармен есепте тұратын 525 науқастарды жылына 2 рет дәрігерлік байқаудан өткізіп, қажет ететіндеріне ем тағайындалады. Олар аудандық, облыстық емдеу мекемелеріне жолданады. «Ана мен бала денсаулығын сақтау» бағдарламасы бойынша туу жа сындағы аналардың денсаулығы әрдайым біздің бақылауымызда. Жүрек-қан тамыры ауруларына, қант диабетіне шалдыққан науқастарға тегін дәрілер берілуде. Балаларды алдын ала егу жұмысы жоспар бойынша толық орындалуда. Халықтың арнайы тобына скринингтік бақылау аудандық медицина мамандарының жылжымалы меди циналық тобы көмегімен жасалынады. 18 жасқа дейінгі балалар жылына 2 рет медициналық бақылаудан өткі зіліп, қажет ететіндеріне тегін дәрілер берілуде. Аға дәрігердің міндетін атқарушы М.Әбсахиев бастаған медицина қызметкерлері ауыл халқына медициналық қызмет көрсетуде аянбай тер төгіп, мінсіз қызмет жасап, халықтың сенімін ақтап келеді. «Бөген» ауылындағы халықтың денсаулығын қорғауда дәрігерлік амбулаторияның барлық қызметкерлері де бір жағадан бас, бір жеңнен қол шығара жұмыс жасап, халықтың алғысына бөленуде. Бұл ретте, біздер қашан да берген антымызға адал екенімізді айтқымыз келеді.