«DamuMed» қосымшасы жайлы бiле жүрiңiз..
Бүгінгі таңда денсаулығымызды реттеуге қажетті пайдалы ақпараттардың барлығын қолымыздағы құрылғының ішінен табамыз. Деніміздің сау болуы, оны әрдайым бақылауда ұстау – өз қолымызда.
«DamuMed» мобильді қосымшасы – бұл «Дәрігердің қабылдауына жазылу», «Дәрігерді үйге шақыру» мемлекеттік көрсетілетін қызметіне және медициналық құжаттарды қарау үшін медициналық ұйымға жылдам қол жеткізу. Аталған мобильді қосымша - медициналық көмек алуды жеңілдетуге арналған құрал.
«DamuMed» мобильді қосымшасы арқылы үйден шықпай, талон алып кезекке тұрмай-ақ дәрігердің қабылдауына жазылуға және дәрігерді үйге шақыртуға болады.
«DamuMed-тің» басты мақсаты - медициналық қызметтерді барынша қолжетімді ету. Яғни, сіз өзіңіздің электронды денсаулық кітапшаңызды ашып, ұсынылатын барлық қызмет түрін еркін пайдалана аласыз.
«DamuMed» мобильді қосымшасы сізге келесі қызметтерді қолжетімді етеді:
1. Учаскелік дәрігердің қабылдауына жазылу;
2. Дәрігердің қабылдауына жазылу және дәрігерді үйге шақыру;
Яғни сіз өзіңізді немесе отбасы мүшелерін учаскелік дәрігердің немесе тар буынды маманның қабылдауына келу себебін көрсетіп, мобильді қосымша ұсынған дәрігердің жұмыс кестесінен ыңғайлы уақытты таңдай аласыз.
Сондай-ақ, сіз өзіңізге немесе отбасы мүшелеріне үй жағдайында отырып, дәрігерді шақырта аласыз.
3. Менің жазбаларым:
Сіз дәрігерге баруды жіберіп алмайсыз. Өйткені, қосымшада әрқашан сіз өз жазбаларыңызды бақылай аласыз.
4. Тапсырыстар:
Яғни бұл функцияда сіздің дәрігерге қабылдауға келген күніңіз, дәрігерді үйге шақыртқан күніңіз, дәрігердің қабылдауына жазылу себебі мен үйге шақыру себебі және мемлекеттік көрсетілген қызметтің нәтижесі көрініп тұрады.
5. Медкарта:
Бұл жерде сіз туралы жеке деректер, яғни денсаулық көрсеткіші, дәрігердің қабылдаулары туралы ақпараттар, диагностикалық/лабораториялық зерттеулер мен олардың қорытындылары, рецепттер, еңбекке уақытша жарамсыздық парағы, жолдамалар көрсетіліп тұрады.
6. Дабыл түймесі:
Яғни бұл жасқа дейінгі балалардың ата-аналарына, жүкті әйелдерге және диспансерлік есепте тұрған пациенттерге шұғыл режимде дәрігерді үйге шақыруға мүмкіндік береді.
